-
Biziň okuwlarymyz
Türkmenistanyň Bilim ministrligi, UNESCO-nyň Bilim ulgamynda maglumat tehnologiýalary boýunça Instituty bilen gol çekilen Ýol kartasynyň çäklerinde, mugallymçylyk we saglyk ugrunda institutyň halkara standartlaryna laýyklykda taýýarlan bilim maksatnamalaryny, gollanmalaryny we elektron okuw sapaklaryny türkmen dilinde taýýarlamak, sertifikatlaşdyrylan hünär kämilleşdiriş okuwlaryny geçmek boýunça institutyň tekliplerini öwrenmek maksady bilen, 2025-nji ýylyň sentýabr aýynyň 04-ne, sagat 15:00-da degişli ýokary we orta hünär okuw mekdepleriniň, Baş Bilim müdirlikleriniň mugallymlaryň hem-de hünärmenleriň gatnaşmaklarynda onlaýn duşuşygy geçirildi.
29-njy awgustda bilimi sanlylaşdyrmak boýunça millimaksatnamanyň çäklerinde, Aşgabatda "Bilimde Durnukly ösüş maksatlaryna ýetmekde emeli aňyň mümkinçilikleri" atly halkara ylmy- amaly maslahat geçirildi. Maslahaty Türkmenistanyň Bilim ministrligi bilen ÝUNESKO- nyň Bilimde maglumat tehnologiýalary instituty (UNESCO IITE) bilelikde gurnady.
Aşgabat şäherindäki daşary ýurt dillerini çuňlaşdyryp öwredýän ýöriteleşdirilen 13-nji orta mekdepde robototehnika boýunça bäsleşik geçirildi. Bäsleşik iki ugur boýunça geçirildi. Birinji ugur boýunça 1-nji orny Türkmen-hindi maglumat tehnologiýalary merkeziniň diňleýjisi Ýasin Rahmanow eýeledi. Ikinji ugur boýunça 1-nji orny Türkmen-hindi maglumat tehnologiýalary merkeziniň diňleýjileri Arslanhan Toýjanow, Sergeý Apreseýan we Alihan Akgaýew eýelediler. Bäsleşigiň baş emini Ysmaýyl Hekimow.
Türkmen-hindi merkezinde çagalar üçin Innowasion kompýuter tehnologiýalary, Iňlis dili, Scratch dilinde programmirleme we Robototehnika okuw kurslaryna ýazylşyk gidip dur.
Türkmenistanda «Sanly çözgüt – 2025» atly innowasion taslamalar bäsleşigine badalga berildi. “Türkmenaragatnaşyk” agentligi Türkmenistanda sanly tehnologiýalary ösdürmäge gönükdirilen “Sanly çözgüt-2025” innowasion taslamalar bäsleşigini açyk diýip yglan edýär.
2025-nji ýylyň awgust aýynyň 29-na geçiriljek maslahata gatnaşyjylaryň çykyşlarynyň ýygyndysyny taýýarlamak göz öňünde tutulýar. Iýul aýynyň 1-ne çenli hasaba alyş (registrasiýa) we tezisleri kabul edilýär.
Maglumat tehnologiýalarynyň Türkmen-hindi merkeziniň hyzmatdaşlyklary
Turkmen-Indian centre for information technologies